ასეთი უსახური, ასეთი მონური პარლამენტი საქართველოს არ შეესაბამება და არც ჰყოლია, - ამის შესახებ „ტრიბუნას“ ლიდერმა დავით ჭიჭინაძემ განაცხადა.

მისი თქმით, პარლამენტის წევრები ღლიცინით და "შპილკაობით" მხოლოდ საკუთარი თავის დაბინავებას ცდილობენ.

„ვითომ დანაშაულს უყენებენ ერთმანეთს, ვითომ ილანძღებიან, სინამდვილეში კი, ასე ღლიცინით და "შპილკაობით" მხოლოდ საკუთარი თავის დაბინავებას ცდილობენ. ხალხი კი თავისთვისაა - უკიდურეს გაჭირვებაში და უიმედობით შეპყრობილები სამშობლოდან გარბიან...

არც ეკონომიკურად და არც დემოგრაფიულად, საქართველო ასეთ კატასტროფულ მდგომარეობაში არასოდეს ყოფილა. ქვეყანა დაიცალა, ოპოზიცია კი პარლამენტიდან მაინც არ გამოდის და ქვეყნის ერთად ძარცვას, ერთად გაძვალტყავებას, ერთად მუშაობას ეძახიან.

ამიტომ ვამბობ, რომ ყველა იმ პოლიტიკური ძალის ამპუტაციაა საჭირო, ვინც საქართველო ამ დღეში ჩააგდო და აღარ აქვს მნიშვნელობა, პოზიცია იქნება ეს, თუ ოპოზიცია“, - განაცხადა დავით ჭიჭინაძემ.