გიორგი ვაშაძე - დელეგაცია-დელეგაციაზე ჩამოდის, რომ კანდიდატის სტატუსთან დაკავშირებით შანსი გამოვიყენოთ - შოკშია ეს ხალხი

დელეგაცია-დელეგაციაზე ჩამოდის, რომ კანდიდატის სტატუსთან დაკავშირებით შანსი გამოვიყენოთ, შოკშია ეს ხალხი - ფაქტებზე როცა მიდის საუბარი, ვთხოვთ, რომ იქნებ თვალი დახუჭონ, არ შეხედონ იმ მავნებლობას, რასაც "ქართული ოცნება" სჩადის, - ამის შესახებ "სტრატეგია აღმაშენებლის" ლიდერმა გიორგი ვაშაძემ ავსტრიის პარლამენტის წევრთან კარლჰაინც კოპფტთან შეხვედრის შემდეგ განაცხადა.

მისივე თქმით, თუ ჩვენ არ გამოვიყენებთ ამ შანსს, შესაძლოა, ევროკავშირის კარი დაიხუროს.

„მე მინდა საზოგადოებას ვთხოვო, დააკვირდით, დელეგაცია-დელეგაციაზე ჩამოდის, რომ ეს შანსი კანდიდატის სტატუსთან დაკავშირებით გამოვიყენოთ. შოკშია ეს ხალხი. ფაქტებზე, როცა მიდის საუბარი ვთხოვთ, ვეხვეწებით, რომ იქნებ თვალი დახუჭონ, არ შეხედონ იმ მავნებლობას, რასაც "ქართული ოცნება" სჩადის. ავსტრია ასეთი აქტიური როდის გინახავთ საერთოდ საქართველოს საკითხებზე?! ეს ხომ ნიშნავს, რომ საქართველოში ხედავენ პარტნიორს და ამ ყველაფერს უნდა გამოყენება. ჩვენ თუ არ გადავდგით ნაბიჯი, მეტი რა უნდა გააკეთოს ამ ხალხმა, ძალით ხომ არ შეგვიყვანენ ოლიგარქულ-ავტორიტარული რეჟიმით ევროკავშირში.

მხარდაჭერა არის, მაგრამ ისიც თქვეს, რომ ეს ღია კარის ამბავი დიდხანს არ გაგრძელდება. თუ ჩვენ ამ კარში არ შევედით, შეიძლება, ეს კარი დაიხუროს და ამაშია პრობლემა", - განაცხადა ვაშაძემ.

ალექსეი მალაშენკო - არავინ იცის როგორ უნდა დასრულდეს რუსეთ-უკრაინის ომი, მათ შორის არც პუტინმა
ქართული პრესის მიმოხილვა 28.11.2022
ლევან შენგელია - მხოლოდ რუსეთის ფუნდამენტურმა დამარცხებამ უკრაინასთან და მთლიანად დასავლეთთან დაპირისპირებაში შეიძლება აგვაცილოს თავიდან ცუდი მომავალი
PSP განცხადებას ავრცელებს