თბილისში, 12 წლის მოზარდმა ბავშვი გააჩინა. როგორც თსსუ-ს პირველი საუნივერსიტეტო კლინიკის ექიმმა, ლალი ტურძელაძემ AMBEBI.GE-ს განუცხადა, დედაც და ბავშვიც თავს კარგად გრძნობენ.

„დაიბადა გოგონა, თავს ორივე კარგად გრძნობს", - აღნიშნავს ექიმი.

12 წლის მოზარდი რამდენიმე საათის წინ კატასტროფის ჯგუფმა, რუსთავიდან თბილისის კლინიკაში გადმოიყვანა. არასრულწლოვანი 11 წლის იყო, როდესაც დაორსულდა. ასევე არასრულწლოვანია ბავშვის მამა.

გამოძიება სქესობრივი დანაშაულის ფაქტზე მიმდინარეობს.