ნორვეგიაში, დრონების უკანონო გამოყენების გამო, რუსეთის მოქალაქეების დაკავებასთან დაკავშირებით, რუსეთის საგარეო საქმეთა სამინისტრომ დღეს ნორვეგიის ელჩი გამოიძახა.

“აღინიშნა, რომ რუსების წინააღმდეგ გამოტანილი სასჯელი პოლიტიკურად მოტივირებული იყო და არანაირი კავშირი არ ჰქონდა სამართლიანი და მიუკერძოებელი მართლმასჯულების პრინციპებთან“, - ნათქვამია რუსეთის საგარეო უწყების განცხადებაში.

მედიაში გავრცელებული ინფორმაციით, ნორვეგიელმა სამართალდამცველებმა რუსეთის რამდენიმე მოქალაქე, რუსეთ-ნორვეგიის საზღვართან დრონების გამოყენებისთვის ან საიდუმლო ობიექტების ფოტოების გადაღებისთვის დააკავა.