ინგლისსა და უელსში, ანაზღაურების გაზრდის მოთხოვნით, სასწრაფო სამედიცინო დახმარების დაახლოებით 25 000 თანამშრომელი დღეს გაიფიცება.

როგორც ბრიტანული მედია წერს, გაფიცვის გამო, ზოგიერთი პაციენტი იძულებული იქნება საავადმყოფოში თავად მივიდეს.

გაფიცვაში მონაწილეობენ, როგორც პარამედიკოსები, ისე ოპერატორები, მძღოლები და ტექნიკოსები.

მედია წერს, რომ მოქალაქეებს 999-სა და 111-ზე დარეკვისას გვიან უპასუხებენ, დაგვიანებებით გავლენ გამოძახებებზე სასწრაფო დახმარების ჯგუფებიც.

დიდი ბრიტანეთის ჯანდაცვის ეროვნული სამსახური (NHS) ინგლისში პაციენტებს ურჩევს, რომ სიცოცხლისთვის საშიში, გადაუდებელი მდგომარეობის შემთხვევაში, კვლავ დარეკონ 999-ზე, თუმცა 111-ს, ოჯახის ექიმსა და აფთიაქებს მიმართონ იმ შემთხვევაში თუკი მათი ჯანმრთელობისთვის დახმარების გადაუდებელი საჭიროება არ არსებობს.