რუსეთი და უკრაინა ტყვეობაში მყოფი 40 პირის გაცვლაზე შეთანხმდნენ. ამის შესახებ ინფორმაციას მედია რუსეთის ადამიანის უფლებათა კომისარზე (ომბუდსმენზე) ტატიანა მოსკალკოვაზე დაყრდნობით ავრცელებს, რომელიც უკრაინელ კოლეგას, დიმიტრი ლუბინეცს თურქეთში შეხვდა.

მედია წერს, რომ მოლაპარაკებების დროს მხარეებმა რუსეთისა და უკრაინის მოქალაქეებისთვის ჰუმანიტარული დახმარების საკითხი განიხილეს.

ცნობისთვის, ომის განმავლობაში, რუსეთსა და უკრაინას ტყვეები მრავალჯერ გაუცვლიათ. უახლოესი გაცვლა კვირას განხორციელდა.