შალვა პაპუაშვილი - პარლამენტის სახელით მწუხარებას გამოვთქვამ გამორჩეული ქართველის, საქართველოს პარლამენტის უხუცესი წევრის ბუბა კიკაბიძის გარდაცვალების გამო
საქართველოს პარლამენტის თავმჯდომარე შალვა პაპუაშვილი ბუბა კიკაბიძის გარდაცვალების გამო მწუხარებას გამოთქვამს.
„საქართველოს პარლამენტის სახელით მწუხარებას გამოვთქვამ გამორჩეული ქართველის, საქართველოს პარლამენტის უხუცესი წევრის ბუბა კიკაბიძის გარდაცვალების გამო.
მისი პერსონაჟების და სიმღერების მიმართ სიყვარულს ქართველი ხალხი უკვე ათწლეულები ატარებს და ეს სიყვარული კიდევ ბევრი ათწლეული გაგვითბობს გულს.
თანავუგრძნობ მის ოჯახს და ახლობლებს”, - წერს პაპუაშვილი სოციალურ ქსელ „ფეისბუქში“.
