მარნეულის მუნიციპალიტეტის მერმა, კენან ომაროვმა „სოფლის მხარდაჭერის“ პროგრამასთან დაკავშირებით, ადმინისტრაციულ ერთეულებში მერის წარმომადგენლებთან სამუშაო შეხვედრა გამართა.

მარნეულის მერიის მიერ გავრცელებული ინფორმაციით, შეხვედრაზე აღნიშნული პროგრამის ფარგლებში განსახორციელებელი წინამოსამზადებელი სამუშაოები განიხილეს.

„მარნეულის მუნიციპალიტეტის მერის ბრძანება - ბ32.32230169-ის საფუძველზე, პროგრამის ფარგლებში დასაფინანსებელი პროექტების შერჩევისა და საერთო კრებების/კონსულტაციების გამართვის მიზნით, შექმნილია სამუშაო ჯგუფები.

შეხვედრას ასევე მარნეულის მუნიციპალიტეტის მერის პირველი მოადგილე როინ დეკანოიძე, მერის მოადგილე ზურაბ ფანგანი და მერიის სტრუქტურული ერთეულების ხელმძღვანელი პირები ესწრებოდნენ.

მერიის ინფორმაციით, სოფლებში შეხვედრები, საერთო კრების ფორმატში, 1-ელი თებერვლიდან დაიწყება და მოსახლეობა დასაფინანსებელ პროექტებს დასახლებების მიხედვით განსაზღვრავს.

2023 წელს მარნეულის მუნიციპალიტეტში „სოფლის მხარდაჭერის“ პროგრამისთვის 1 232 000 ლარია გამოყოფილი“, - ნათქვამია გავრცელებულ ინფორმაციაში.

დამატებითი ინფორმაცია იხილეთ ბმულზე