უკრაინის უმაღლესმა რადამ უკრაინის უშიშროების სამსახურის ხელმძღვანელის პოსტზე ვასილ მალიუკი დანიშნა, რომელიც მანამდე ხელმძღვანელის მოვალეობას ასრულებდა, - ინფორმაციას უკრაინული მედია ავრცელებს.

მათივე ინფორმაციით, ვასილ მალიუკის უშიშროების სამსახურის ხელმძღვანელის პოსტზე დანიშვნას მხარი 324-მა დეპუტატმა დაუჭირა.

კენჭისყრის პროცესს უკრაინის პრეზიდენტი, ვოლოდიმირ ზელენსკიც დაესწრო.

შეგახსენებთ, 2022 წლის 17 ივლისს უკრაინის პრეზიდენტმა მაშინდელი გენერალური პროკურორი, ირინა ვენედიქტოვა და უსაფრთხოების სამსახურის ხელმძღვანელი, ივან ბაკანოვი თანამდებობებიდან გაათავისუფლა.