მედიის ცნობით, თურქეთის პრეზიდენტი რეჯეფ თაიფ ერდოღანი, სავარაუდოდ, ძლიერი მიწისძვრის შედეგად დაზარალებულ რაიონებს ეწვევა.

როგორც თურქეთის პრეზიდენტის ოფისში აცხადებენ, ერდოღანის ვიზიტი ქალაქ კაჰრამანმარაშსა და მიწისძვრის ეპიცენტრის მახლობლად მდებარე ჰათაის პროვინციას მოიცავს.

მანამდე თურქეთის პრეზიდენტმა 10 პროვინციაში სამთვიანი საგანგებო მდგომარეობა გამოაცხადა.

სტიქიის ზონაში მაშველები ამ დრომდე აგრძელებენ ნანგრევებში ჩარჩენილი ადამიანების სამძებრო-სამაშველო ოპერაციას.