თბილისის მერის კახა კალაძის განცხადებით, უახლოეს მომავალში საზოგადოება შეიტყობს, თუ როდის დაიწყება წერეთლის გამზირის რეაბილიტაცია. როგორც მან ჟურნალისტებს განუცხადა, საკმაოდ მასშტაბური სამუშაოებია შესასრულებელი.
„უახლოეს მომავალში საზოგადოებას მივაწვდით ინფორმაციას, თუ როდის დაიწყება აღნიშნული გამზირის რეაბილიტაცია, რა ვადები დასჭირდება. საკმაოდ დიდი მოცულობის სამუშაოები არის შესასრულებელი, გვინდა მიწისქვეშა კომუნიკაციები მთლიანად მოვაწესრიგოთ და შესაბამისი ინფრასტრუქტურული სამუშაოები განვახორციელოთ. რაც შეეხება ზოგადად სამუშაოების ხარისხს, სამწუხაროდ, ზოგადად, ეს პრობლემა სამშენებლო მიმართულებით გვაქვს, არ არსებობს შესაბამისი კვალიფიკაცია, პროფესიონალიზმი, არის კადრების ნაკლებობა, ძლიერი კადრების გადინება, რომ ევროპაში უფრო მაღალი ანაზღაურება ჰქონდეთ. ვფიქრობ, ეს ნორმალურია, თუმცა, ძალიან მნიშვნელოვანია დავეწიოთ კადრების გადამზადებასა და პროფესიონალიზმში",-განაცხადა კალაძემ.