„ქართული ოცნების“ თავმჯდომარის, ირაკლი კობახიძის განცხადებით, საქართველოს ყოფილი პრეზიდენტის, მიხეილ სააკაშვილის საქმის სტრასბურგში გაგზავნას ვერ ბედავენ.

აღნიშნულით კობახიძემ ჟურნალისტის კითხვას უპასუხა, რომლის მიხედვითაც, ოპოზიცია აცხადებს, რომ კლინიკა „ვივამედი“ მათ სააკაშვილის ჯანმრთელობის შესახებ ისტორიას არ აძლევს.

როგორც „ქართული ოცნების“ თავმჯდომარე განმარტავს, იმისთვის, რომ სარჩელი არ გაგზავნონ, ოპოზიცია საბაბს ეძებს.

„ვერ გაბედეს სტრასბურგში სარჩელის გაგზავნა, ახლაც ვერ ბედავენ, რადგან იციან, რომ წაგებულები დარჩებიან. აქედან გამომდინარე, საბაბის მოძებნას ცდილობენ სარჩელის არ გაგზავნისთვის. სინამდვილეში, სარჩელის არგაგზავნის მიზეზი ერთადერთია, ეს არის ის, რომ მათ სიმყარის შეგრძნება არ აქვთ. ისინი ვერ იქნებიან ამ სარჩელში წარმატებული“, - განაცხადა კობახიძემ.