პარლამენტის საფინანსო-საბიუჯეტო კომიტეტის თავმჯდომარე პაატა კვიჟინაძე გახდა, განათლების და მეცნიერების კომიტეტის თავმჯდომარის თანამდებობა კი გივი მიქანაძემ დაიკავა.

პაატა კვიჟინაძისა და გივი მიქანაძის კანდიდატურებს პარლამენტმა ხმათა უმრავლესობით მხარი დაუჭირა.

განათლებისა და მეცნიერების კომიტეტს გიორგი ამილახვარი ხელმძღვანელობდა, რომელმაც პარლამენტიდან მინისტრთა კაბინეტში გადაინაცვლა და განათლებისა და მეცნიერების მინისტრის თანამდებობა დაიკავა. საფინანსო-საბიუჯეტო კომიტეტის ხელმძღვანელი ირაკლი კოვზანაძე იყო, რომელსაც საკუთარი განცხადებით სადეპუტატო უფლებამოსილება შეუწყდა.