ფინანსთა სამინისტროს საგამოძიებო სამსახურში აცხადებენ, რომ ბიზნესცენტრ „ატრიუმში“ საგამოძიებო მოქმედებები მიღებული შეტყობინების საფუძველზე ტარდება
საქართველოს ფინანსთა სამინისტროს საგამოძიებო სამსახურში აცხადებენ, რომ ბიზნესცენტრ „ატრიუმში“ საგამოძიებო მოქმედებები მიღებული შეტყობინების საფუძველზე ტარდება.
„საქართველოს ფინანსთა სამინისტროს საგამოძიებო სამსახურის თანამშრომლების მიერ მიღებული შეტყობინების საფუძველზე, ამ ეტაპზე აღნიშნულ ობიექტებზე ტარდება შესაბამისი საგამოძიებო მოქმედებები”,- განუცხადეს უწყებაში "ინტერპრესნიუსს".
ამ დროისთვის ოფიციალურად არ კონკრეტება, რა საქმეს უკავშირდება საგამოძიებო მოქმედებები.
ბიზნესცენტრ „ატრიუმში“ სამართალდამცველები მუშაობენ. "ნაციონალური მოძრაობის" ერთ-ერთი წევრის ლაშა ფარულავას განცხადებით, მას მოქალაქეებისგან ჰქონდა ინფორმაცია, რომ ბიზნესცენტრში ე.წ. ქოლცენტრები იყო განთავსებული, რის შემდეგაც ცენტრის ადმინისტრაციას მიმართეს, მიეწოდებინათ ინფორმაცია, თუ რომელი კომპანიები ოპერირებდნენ ბიზნესცენტრ "ატრიუმში". როგორც ლაშა ფარულავა განმარტავს, მათ ინფორმაცია არ მიაწოდეს, რის შემდეგაც სამართალდამცველებს დაუკავშირდნენ.
