ჯოზეფ ბორელი ირანს მოუწოდებს, შეწყვიტოს რუსეთის მხარდაჭერა უკრაინის წინააღმდეგ ომში
ევროკავშირის უმაღლესი წარმომადგენელი, ჯოზეფ ბორელი ირანის საგარეო საქმეთა მინისტრს, ჰოსეინ ამირ აბდოლაჰიანს ტელეფონით ესაუბრა.
საუბრის შემდეგ ბორელმა „ტვიტერზე“ დაწერა, რომ მხარეებმა განიხილეს თეირანისა და ატომური ენერგიის საერთაშორისო სააგენტოს თანამშრომლობის საკითხი.
„მე ხაზგასმით აღვნიშნე, რომ ირანმა უნდა გააგრძელოს ეს. შეაჩეროს უკრაინის წინააღმდეგ რუსეთის ომის მხარდაჭერა და შეწყვიტოს ევროკავშირის მოქალაქეების ინსტრუმენტალიზაცია", - დაწერა მან სოციალურ ქსელში.
გარდა ამისა, ბორელმა დაგმო შვედეთ-ირანის ორმაგი მოქალაქის სიკვდილით დასჯა.
„ირანის საგარეო საქმეთა მინისტრ აბდოლაჰიანთან საუბრისას, მე მკაცრად დავგმე შვედეთ-ირანის მოქალაქის ჰაბიბ ჩააბის სიკვდილით დასჯა“, - აღნიშნა ბორელმა.
