„ნაციონალური მოძრაობის“ დეპუტატები იმ თანაფრაქციელებს ხვდებიან, რომელთაც, არსებული ინფორმაციით, იუსტიციის საბჭოს არამოსამართლე წევრის თანამდებობაზე წარდგენილ კანდიდატებს მისცეს ხმა
ფრაქცია „ნაციონალური მოძრაობის“ დეპუტატები იმ თანაფრაქციელებს ხვდებიან, რომელთაც, არსებული ინფორმაციით, იუსტიციის უმაღლესი საბჭოს არამოსამართლე წევრის თანამდებობაზე წარდგენილ კანდიდატებს მისცეს ხმა.
ფრაქციის სამუშაო ოთახში შეკრებილი არიან ნიკა მაჭუტაძე, ნატო ჩხეიძე, როსტომ ჩხეიძე. მათ "ნაციონალური მოძრაობის" წარმომადგენლები ხვდებიან.
პარლამენტის პლენარულ სხდომაზე გამართული კენჭისყრის შედეგად, იუსტიციის უმაღლესი საბჭოში არსებული 5 არამოსამართლე წევრის ვაკანსიიდან სამი ვაკანსია შეივსო. 90 ხმაზე მეტი ხმა ტრისტან ბენაშვილმა (93 ხმა), გიორგი გზობავამ (91 ხმა) და ზურაბ გურასპაშვილმა (93 ხმა) მიიღეს და შესაბამისად, იუსტიციის უმაღლესი საბჭოს არამოსამართლე წევრები გახდნენ.
აღსანიშნავია, რომ “ქართული ოცნების“ უმრავლესობას პარლამენტში სულ 84 ხმა აქვს.
თითქმის ორი წელია იუსტიციის უმაღლეს საბჭოში 5 არამოსამართლე წევრის თანამდებობა ვაკანტურია. პარლამენტის მიერ არჩეულ იუსტიციის უმაღლესი საბჭოს არამოსამართლე წევრებს უფლებამოსილების ვადა ჯერ კიდევ 2021 წლის ივნისში ამოეწურათ. საბჭოში 5 არამოსამართლე წევრის თანამდებობა ვაკანტურია მას შემდეგ, რაც საბჭოს არამოსამართლე წევრებს: - ნაზი ჯანეზაშვილს, ირმა გელაშვილს, ლევან გზირიშვილს, ზაზა ხარებავას და შოთა ქადაგიძეს უფლებამოსილების ვადა გაუვიდათ. შესაბამისად, 2021 წლის ივნისიდან იუსტიციის უმაღლეს საბჭოში 15 წევრის ნაცვლად, მხოლოდ 10 წევრია.
v-if="article.gallery" v-html="article.gallery"
