ანტიკორუფციული ბიუროს უფროსი რაჟდენ კუპრაშვილი საქართველოს თავდაცვის მინისტრს ჯუანშერ ბურჭულაძეს შეხვდა.

ამის შესახებ ინფორმაციას ანტიკორუფციული ბიურო ავრცელებს.

მათივე ცნობით, შეხვედრაზე ყურადღება გამახვილდა ბიუროს მთავარ გამოწვევებსა და პრიორიტეტულ მიმართულებებზე. მხარეებმა ანტიკორუფციული პოლიტიკის შემუშავებისა და განხორციელების პროცესში თავდაცვის სამინისტროსა და ანტიკორუფციული ბიუროს თანამშრომლობის მნიშვნელობაზე ისაუბრეს.

„შეხვედრაზე ასევე განიხილეს სამუშაო მიმართულებები. მხარეებმა უწყებებს შორის თანამშრომლობის ფორმატისა და კოორდინაციის მექანიზმების ჩამოყალიბების მნიშვნელობაზეც იმსჯელეს.

შეხვედრას ესწრებოდნენ ანტიკორუფციული ბიუროს უფროსის მოადგილეები: თამთა კაჭკაჭიშვილი და ანა კალანდაძე“, - აღნიშნულია გავრცელებულ ინფორმაციაში.