ფოლკლორის სახელმწიფო ცენტრის სალოტბარო სკოლების გაცვლითი პროგრამა ლენტეხის მუნიციპალიტეტში გრძელდება. ამის შესახებ ინფორმაციას ლენტეხის მუნიციპალიტეტი ავრცელებს.

მათივე ინფორმაციით, დილიდან-ლენტეხის, გორის, საჩხერის სალოტბარო სკოლებისა და ,,ფოლკლორის სახლის“ (თუშები) 120-მა ბავშვმა, მუნიციპალიტეტის მერთან, გია ონიანთან ერთად დილის გამამხნევებელი სირბილით ლენტეხის ქუჩებში სიმბოლურად გაირბინეს და ივარჯიშეს.

„შემდეგ ბავშვებმა მუნიციპალიტეტის ცენტრალურ მოედანზე გადაინაცვლეს, სადაც ფერხულის სწავლების მასტერკლასები ჩაუტარდათ.

დღის მეორე ნახევარში ლადო მუსელიანის სახელობის მხარეთმცოდნეობის მუზეუმი დაათვალიერეს. მჟავე წყლის კომპლექსი მოინახულეს.

ადგილობრივი ახალგაზრდების ჩართულობით ჩატარდა ლოტბარის საათი-ქართლური, თუშური, იმერული და სვანური სიმღერის შესწავლა სხვადასხვა გუნდებში“, - ნათქვამია ინფორმაციაში.