თინა ბოკუჩავა - „ოცნებას“ თუ ვინმე ჰყავდა მხარდამჭერი, ევროპელ სოციალისტთა ჯგუფში იყო და ამ ჯგუფიდანაც გამოაგდეს, ახლა უკვე ყველა ხელისუფლების ხმამაღალ კრიტიკოსად იქცა
„ოცნებას“ თუ ვინმე ჰყავდა მხარდამჭერი, ევროპელ სოციალისტთა პოლიტიკურ ჯგუფში იყო, მაგრამ ვხედავთ, რომ „ქართული ოცნება“ ამ პოლიტიკური ჯგუფიდანაც გამოაგდეს და ახლა უკვე „ოცნების“ წინააღმდეგ ხმამაღალ კრიტიკოსებად იქცნენ, რადგან ისინი ღიად პრორუსულ პოლიტიკას ატარებენ და ღიად უქმნიან საფრთხეს ჩვენი ქვეყნის ევროპულ მომავალს, - ამის შესახებ ფრაქცია „ერთიანი ნაციონალური მოძრაობის“ თავმჯდომარემ, თინა ბოკუჩავამ განაცხადა.
როგორც ბოკუჩავა განმარტავს, ევროპარლამენტარები საქართველოს ევროპული მომავლის დასაცავად ღიად და მწვავედ აკრიტიკებენ დღევანდელ ხელისუფლებას.
„ხოლო ევროპარლამენტში ნებისმიერი ევროპარლამენტარი მიუხედავად მისი პოლიტიკური ჯგუფისა, ბუნებრივია, არის საქართველოს ევროინტეგრაციის მხარდამჭერი და ამიტომ უწევთ, რომ საქართველოს ევროპული მომავლის დასაცავად ასე ღიად და ასე მწვავედ აკრიტიკონ დღევანდელი ხელისუფლება, რომელიც ქართველ ხალხს ევროპულ მომავალს ართმევს,“ - განაცხადა ბოკუჩავამ.
აღნიშნულ ინფორმაციას „ერთიანი ნაციონალური მოძრაობა“ ავრცელებს.
