რუსეთის წინააღმდეგ აშშ-ს მიერ შემოღებული გაფართოებული სანქციების ძალაში შესვლის შემდეგ, ამერიკულმა კომპანიამ General Electric რუსეთის თბოელექტროსადგურებზე დამონტაჟებული მისივე წარმოების გაზის ტურბინების მომსახურება შეწყვიტა.

კომპანიამ ასევე ტურბინების მუშაობის მონიტორინგთან წვდომა შეზღუდა, ხოლო პერსპექტივაში, შესაძლოა, სათადარიგო ნაწილების მიწოდებაც შეწყვიტოს.

რუსეთის ენერგოსისტემაში General Electric-ის გაზის ტურბინების საერთო სიმძლავრე 5 გიგავატს შეადგენს, ხოლო ენერგობლოკების საერთო სიმძლავრე - 8 გიგავატს. ექსპერტთა აზრით, ყველაზე კრიტიკულად სერვისული მომსახურების შეწყვეტა სურგუტის, შატურის და სრედნეურალსკის ელექტროსადგურების ენერგობლოკებზე დამონტაჟებულ მძლავრ მოდელებზე აისახება.

რუსეთის მაგენერირებელი კომპანიების განცხადებით, ასეთი გადაწყვეტილება მოსალოდნელი იყო და ისინი რუსეთის ტერიტორიაზე სათადარიგო ნაწილების წარმოებისა და სერვისის ლოკალიზების შესაძლებლობას განიხილავენ.