საქართველოს საგარეო საქმეთა მინისტრი ესპანეთს ევროკავშირის საბჭოს თავმჯდომარე ქვეყნად არჩევას ულოცავს
საქართველოს საგარეო საქმეთა მინისტრი ილია დარჩიაშვილი ესპანეთს ევროკავშირის საბჭოს თავმჯდომარე ქვეყნად არჩევას ულოცავს.
როგორც დარჩიაშვილი „ტვიტერის“ პირად გვერდზე წერს, საქართველო მზადაა ესპანეთთან ერთად ევროინტეგრაციის გზაზე შემდგომი წინსვლისა და კანდიდატის სტატუსის მოსაპოვებლად იმუშაოს.
„ვულოცავ და წარმატებებს ვუსურვებ ესპანეთს, რომელიც ევროკავშირის საბჭოს თავმჯდომარე ქვეყანა გახდა.
ჩვენ მზად ვართ ვიმუშაოთ ესპანეთთან ერთად ევროინტეგრაციის გზაზე შემდგომი წინსვლისა და კანდიდატის სტატუსის მოსაპოვებლად, რაც საქართველოსთვის უდიდესი მიღწევა იქნება“, - წერს საგარეო საქმეთა მინისტრი.
ცნობისთვის, ესპანეთის სამეფო ევროკავშირის საბჭოს თავმჯდომარე ქვეყანა დღეიდან გახდა.
