უკრაინის დაზვერვის მთავარი სამმართველოს ინფორმაციით, რუსეთს ზაპოროჟიეს ატომურ ელექტროსადგურში დამატებითი ნაღმები და ასაფეთქებელი შეაქვს.
ამის შესახებ უკრაინის დაზვერვის მიერ გავრცელებულ განცხადებაში წერია.
მათი ინფორმაციით, ზაპოროჟიეს ატომური ელექტროსადგურის ტექნიკურ სივრცეებსა და სამანქანო დარბაზებში ასაფეთქებელი ბარიერები არის დაყენებული, რომლებიც დისტანციურად მართვადი და არამართვადი პერსონალის საწინააღმდეგო ნაღმებისგან შედგება.
უკრაინის დაზვერვა ასევე ატომური ელექტროსადგურის სქემას აქვეყნებს, სადაც დანაღმვის სავარაუდო ადგილებია მონიშნული.
