რუსი გენერალ-მაიორის, ივან პოპოვის განცხადებით, გადაწყვეტილება მისი გადაყენების შესახებ მას შემდეგ იქნა მიღებული, რაც სამხედრო ხელმძღვანელობას უკრაინაში არსებული ვითარების შესახებ „სიმართლე გააცნო“
რუსეთის შეიარაღებული ძალების 58-ე საერთო საჯარისო არმიის მეთაურის, გენერალ-მაიორ ივან პოპოვის განცხადებით, გადაწყვეტილება მისი გადაყენების შესახებ მას შემდეგ იქნა მიღებული, რაც მან სამხედრო ხელმძღვანელობას უკრაინაში არსებული ვითარების შესახებ „სიმართლე გააცნო“.
კერძოდ, მისივე თქმით, რუსეთის თავდაცვის სამინისტროს ფრონტზე შექმნილი მძიმე ვითარებისა და „ვაგნერის“ ამბოხის შემდეგ რუსულ არმიაში დაძაბულობის მატების შესახებ ინფორმაცია მიაწოდა.
„ჩემი გათავისუფლება იმის შემდეგ მოხდა, რაც მე ბრძოლის ველზე არსებულ პრობლემებზე, მათ შორის კონტრბატარეული ცეცხლის არარსებობაზე და ასევე უკრაინული შეტევების შედეგად დაღუპულების და დაჭრილების რეალურ ციფრებზე ვისაუბრე“, - ნათქვამია პოპოვის განცხადებაში.
ივან პოპოვის გათავისუფლების შესახებ ინფორმაცია გუშინ გავრცელდა.
