კათოლიკეები ფერისცვალებას ზეიმობენ
რელიგიის საკითხთა სახელმწიფო სააგენტო საქართველოს კათოლიკურ ეკლესიასა და მის მრევლს ფერისცვალებას ულოცავს.
„ქართველი კათოლიკეები დღეს თორმეტ საუფლო დღესასწაულთაგან ერთ-ერთს, უფლის ფერისცვალებას აღნიშნავენ. დღესასწაული უფალ იესო ქრისტეს ამქვეყნიური ცხოვრების ცნობილ ეპიზოდს უკავშირდება, როცა თაბორის მთაზე მაცხოვარმა ფერი იცვალა, რელიგიის საკითხთა სახელმწიფო სააგენტო დღესასწაულს ულოცავს საქართველოს კათოლიკურ ეკლესიასა და მის მრევლს“,-აღნიშნულია მილოცვაში.
