უკრაინის შეიარაღებულმა ძალებმა დაადასტურა, რომ კვირას სარაკეტო დარტყმა განახორციელა ორ ხიდზე, რომელიც ყირიმსა და სამხრეთ უკრაინის რუსეთის მიერ ოკუპირებულ ნაწილს ერთმანეთთან აკავშირებს.

"თავდაცვის ძალებმა დაარტყეს ოკუპანტების ორ მთავარ საკომუნიკაციო გზას – ჩონჰარისა და ჰენიჩესკის საავტომობილო ხიდებს. დიდება უკრაინის შეიარაღებულ ძალებს“, - აღნიშნულია უკრაინის შეიარაღებული ძალების განცხადებაში.გუშინ, რუსეთის მიერ მხარდაჭერილმა ხელისუფლებამ და რუსეთის სახელმწიფო მედიამ გაავრცელეს ინფორმაცია, რომ აღნიუშნულ ხიდებაზე სარაკეტო თავდასხმების განხორციელებაზე პასუხისმგებელი კიევი იყო.