რუსებმა ნიკოპოლი მძიმე არტილერიითა და „გრადებით“ დაბომბეს
რუსულმა ძალებმა წუხელ დნეპროპეტროვსკის ოლქის ნიკოპოლის რაიონი მძიმე არტილერიითა და „გრადებით“ დაბომბეს, - ინფორმაციას უკრაინული მედია დნეპროპეტროვსკის ოლქის სამხედრო ადმინისტრაციის ხელმძღვანელზე, სერგეი ლისაკზე დაყრდნობით ავრცელებს.
„ნიკოპოლში დაზიანდა 2 ლიცეუმი, ადმინისტრაციული შენობა, ასევე 12 კერძო სახლი, ავტომობილი, გაზსადენი და 4 ელექტროგადამცემი ხაზი", - აცხადებს ლისაკი.
მისი თქმით, რუსების მიერ ნასროლი ჭურვები ენერგეტიკულ ობიექტსაც მოხვდა.
გარდა ამისა, დილით რუსულმა არმიამ ნიკოპოლი ისევ დაბომბა. დაბომბვის შედეგების შესახებ ინფორმაცია ზუსტდება.
