დიდი ბრიტანეთის საგარეო უწყების განცხადებით, ქვეყნის მთავრობამ სასანქციო სიების გაფართოების შესახებ გადაწყვეტილება მიიღო.
უწყებაში განმარტავენ, რომ აღნიშნული ზომები რუსეთის თავდაცვითი დარგის შეზღუდვასთან და უცხოურ სამხედრო მოწყობილობაზე წვდომის შეზღუდვასთან არის დაკავშირებული.
„ახალი შეზღუდვები ბელარუსში, ირანში, თურქეთში, დუბაიში, სლოვაკეთში და შვეიცარიაში არსებულ ფიზიკურ და იურიდიულ პირებს შეეხება, რაც კიდევ უფრო მეტად შეამცირებს რუსულ არსენალს და ვლადიმერ პუტინის თავდაცვითი სამრეწველოს მხარდამჭერ მიწოდებებზე აისახება“, - განაცხადა დიდი ბრიტანეთის საგარეო საქმეთა მინისტრმა, ჯეიმს კლევერლიმ.
შეზღუდვა სულ გამოცხადებულია 25 ახალ სასანქციო ზომაზე, მათ შორის, სამი რუსული კომპანიის მიმართ, რომლებიც სამხედრო ტექნიკისთვის ელექტრონული კომპონენტების იმპორტს ახორციელებენ.
