დიდი ბრიტანეთის დაზვერვის ინფორმაციით, რუსეთ-უკრაინის ომში საზღვაო დრონების როლი მნიშვნელოვნად გაიზარდა, რაც რუსეთის ლოგისტიკაში არსებული სუსტი წერტილებისთვის დიდ საფრთხეს წარმოადგენს

დიდი ბრიტანეთის დაზვერვის ინფორმაციით, რუსეთ-უკრაინის ომში საზღვაო დრონების როლი მნიშვნელოვნად გაიზარდა, რაც რუსეთის ფედერაციის ლოგისტიკაში არსებული სუსტი წერტილებისთვის დიდ საფრთხეს წარმოადგენს.

უწყების ცნობით, ამას ადასტურებს უკრაინული საზღვაო დრონების გამოყენებით ტანკერ SIG-ზე, საბრძოლო სადესანტო ხომალდზე „ოლენეგორსი გორნიაკი“ და რუსული გემის „სპარტა IV"-ის თანმხლებ კატარღებზე მიტანილი იერიშები.

„მიუხედავად იმისა, რომ SIG-ი „სპარტა IV" სამოქალაქო გემებად ითვლება, ისინი დიდი ხნის განმავლობაში რუსეთსა და სირიას შორის საწვავისა და სამხედრო დანიშნულების ტვირთების გადაზიდვისთვის გამოიყენება“, - აღნიშნულია განცხადებაში.