ჯინ კირბი - ვაშინგტონი აშშ-ში უკრაინისთვის სამხედრო დახმარებაში მხარდაჭერის შემცირების ნიშნებს ვერ ხედავს
ვაშინგტონი აშშ-ში უკრაინისთვის სამხედრო დახმარების მხარდაჭერის შემცირების ნიშნებს ვერ ხედავს. ამის შესახებ თეთრი სახლის სტრატეგიული კომუნიკაციების კოორდინატორმა ეროვნული უსაფრთხოების საკითხებში, ჯონ კირბიმ განაცხადა.
კირბიმ აღნიშნა, რომ უკრაინის წინააღმდეგ რუსეთის ომის განმავლობაში ვაშინტონში ხედავდნენ უკრაინის მიმართ როგორც ამერიკელი ხალხის მხრიდან მყარ მხარდაჭერას, ასევე კონგრესის მხრიდანაც.
"ეს მნიშვნელოვანია არა მხოლოდ უკრაინელი ერისთვის, არამედ ჩვენი ევროპელი მოკავშირეებისთვისა და პარტნიორებისთვის, კერძოდ, ნატოში ჩვენი მოკავშირეებისთვის, იმის გათვალისწინებით, რომ ეს საბრძოლო ქმედებები ნატოში ბევრი ამ მოკავშირის ზღურბლთან მიმდინარეობს”,-განაცხადა კირბიმ.
მისი თქმით, უკრაინის მხარდაჭერა ამერიკელი ხალხის ეროვნული უსაფრთხოებისთვისაც არის მნიშვნელოვანი.“თუ ზოგიერთი ამერიკელი ვერ გრძნობს ამას ან ამის შემდეგ… ვფიქრობ, მნიშვნელოვანია გვახსოვდეს, რომ თუ უბრალოდ ვიჯდებით და პუტინს საშუალებას მივცემთ გაიმარჯვოს, საშუალებას მივცემთ უკრაინა დაიპყროს, მაშინ სად გაჩერდება ეს?” - განაცხადა კირბიმ.
v-if="article.gallery" v-html="article.gallery"
