ჰავაის მაუის კუნძულზე ტყის ხანძრებს მინიმუმ 36 ადამიანის სიცოცხლე ემსხვერპლა, - ინფორმაციას BBC-ი ოფიციალური პირებზე დაყრდნობით ავრცელებს.

გავრცელებული ინფორმაციით, ცხედრები ლაჰაინას დასახლების ტერიტორიაზე ხანძრის ქრობის და სამაშველო სამუშაოების დროს აღმოაჩინეს.

შეგახსენებთ, ჰავაის კუნძულ მაუიზე ძლიერ ტყის ხანძარს ებრძვიან. კუნძულიდან, რომელიც მნიშვნელოვანი ტურისტული ადგილია, ევაკუირებულია 11 400 ადამიანი, კიდევ ათასობით მოქალაქე კი ევაკუაციის მოლოდინშია.