უკრაინის სამხედრო-საზღვაო ძალების განცხადებით, დღეს სამოქალაქო გემებისთვის, რომლებიც უკრაინის პორტებში ან პორტებიდან მიცურავენ, ახალი დროებითი მარშრუტებია შექმნილი.

„აღნიშნული მარშრუტები უკრაინამ საერთაშორისო საზღვაო ორგანიზაციას (IMO) გააცნო, რომელმაც საერთაშორისო საზღვაო სამართლით გარანტირებული სავაჭრო ნაოსნების უფლება აღიარა. ორგანიზაციამ ასევე მოუწოდა რუსეთს დაიცვას საერთაშორისო კონვენციები და შავ ზღვაში ნაოსნობისთვის საფრთხის შექმნა შეწყვიტოს", - ნათქვამია განცხადებაში.

შეგახსენებთ, რომ უკრაინის თავდაცვის სამინისტროს განცხადებით, 21 ივლისიდან შავი ზღვის აკვატორიაში, რუსეთის ფედერაციის და უკრაინის საზღვაო პორტების მიმართულებით მიმავალი გემები, მათ შორის, დროებით ოკუპირებულ ტერიტორიაზე, უკრაინის მიერ სამხედრო დანიშნულების საქონლის გადამზიდად ჩაითვლება, აქედან გამომდინარე ყველა შესაბამისი რისკებით.