ინდოეთის ჩრდილოეთ შტატში, ჰიმაჩალ-პრადეშში ძლიერი წვიმისგან გამოწვეული წყალდიდობისა და მეწყერის შედეგად სულ მცირე 22 ადამიანი დაიღუპა, - ინფორმაციას ადგილობრივი მედია ავრცელებს.

მათივე ინფორმაციით, გარდაცვლილებს შორის ბავშვებიც არიან.

ცხრა ადამიანი ემსხვერპლა მეწყერს ქალაქ შიმლაში, სადაც სტიქიამ ტაძარი გაანადგურა.

ადგილობრივ პოლიციაში აცხადებენ, შიმლაში, ნანგრევების ქვეშ, სავარაუდოდ, 15-20 ადამიანი იმყოფება.