შვედეთი უკრაინისთვის სამხედრო დახმარების ახალი პაკეტის გაგზავნას გეგმავს, - ამის შესახებ ქვეყნის თავდაცვის მინისტრმა პალ ჯონსონმა განაცხადა.

მისი ინფორმაციით, დახმარების ღირებულება 3.4 მილიარდი შვედური კრონია (313.5 მილიონი აშშ დოლარი) და ის, ძირითადად, ადრე მიწოდებული იარაღის სისტემებისთვის განკუთვნილი საბრძოლო მასალისა და სათადარიგო ნაწილებისგან შედგება.

„ჩვენ უნდა მოვემზადოთ იმისთვის, რომ ეს შეიძლება იყოს ხანგრძლივი ომი და ჩვენ ასევე გვაქვს გრძელვადიანი პერსპექტივა, რათა მხარი დავუჭიროთ იმ პლატფორმებს, რომლებსაც უკრაინაში გრძელვადიანად ვაგზავნით“, - აღნიშნა მინისტრმა.