მედია - ლიბიაში შეტაკებებს 55 ადამიანი ემსხვერპლა
ლიბიაში შეიარაღებული შეტაკებების შედეგად დაღუპულთა რიცხვი 55-ს აღწევს, დაჭრილია 146 ადამიანი. ამის შესახებ ინფორმაციას გამოცემა Reuters ადგილობრივ საგანგებო სამსახურებზე დაყრდნობით ავრცელებს.
შეიარაღებული დაპირისპირება ლიბიის დედაქალაქ ტრიპოლიში ორშაბათს დაიწყო.
Reuters-ის ინფორმაციით, ქალაქის უხუცესებმა სამშაბათს განაცხადეს, რომ დაპირისპირებულ მხარეებს - სპეციალური შეკავების ძალებსა და 444-ე ბრიგადას - შორის შეთანხმებას მიაღწიეს.
კერძოდ, სპეციალური შეკავების ძალები 444-ე ბრიგადის მეთაურს მაჰმუდ ჰამზას მესამე მხარეს - სტაბილურობის მხარდამჭერ აპარატს - გადასცემენ.
ცნობისთვის, ჰამზა სპეციალური შეკავების ძალებმა მიტიგას აეროპორტში დააკავეს, რომელსაც ისინი აკონტროლებენ. ქალაქის უხუცესების ინფორმაციით, ავიახაზებმა, რომლებმაც მძიმე შეტაკებების გამო მიტიგას აეროპორტის გამოყენება სამშაბათს შეწყვიტეს, ფრენები ოთხშაბათს აღადგინეს. შეტაკებების ადგილებში პოლიცია და სხვა ძალოვანი სტრუქტურები შევლენ, რომლებიც შეიარაღებული დაპირისპირების დროს ნეიტრალურები დარჩნენ.
v-if="article.gallery" v-html="article.gallery"
