დანია უკრაინას F-16 ტიპის მოიერიშე 19 თვითმფრინავს გადასცემს. ამის შესახებ დანიის პრემიერ-მინისტრმა მეტე ფრედერიქსენმა უკრაინის პრეზიდენტ ვოლოდიმირ ზელენსკისთან ერთობლივ პრესკონფერენციაზე განაცხადა.

„ომის დაწყებიდან დანია უკრაინის მხარდამჭერია, რადგან თქვენი თავისუფლება ჩვენი თავისუფლებაა“, - განაცხადა დანიის პრემიერ-მინისტრმა.

დღესვე, ვოლოდიმირ ზელენსკის ნიდერლანდებში ვიზიტისას ცნობილი გახდა, რომ F-16 ტიპის მოიერიშე თვითმფრინავებს უკრაინას ნიდერლანდებიც გადასცემს.