სამხრეთ-აღმოსავლეთ ევროპის 11 ქვეყნის ლიდერებმა ათენში გამართული სამიტის დროს უკრაინის ტერიტორიული მთლიანობის მხარდაჭერის შესახებ დეკლარაციას მოაწერეს ხელი. ინფორმაციას CNN Greece ავრცელებს.

გამოცემის ცნობით, დეკლარაციაში აღნიშნულია უკრაინის დამოუკიდებლობის, სუვერენიტეტისა და ტერიტორიული მთლიანობის ურყევი მხარდაჭერა ამ ქვეყნის საერთაშორისოდ აღიარებული საზღვრების ფარგლებში, რომელიც დემოკრატიის ფასეულობებსა და სამართლის უზენაესობაზე არის დაფუძნებული.

„უკრაინა და მოლდოვა გეოგრაფიულად ესაზღვრებიან ევროკავშირის ქვეყნებს, იზიარებენ საერთო ევროპულ მემკვიდრეობას და ევროპაში მშვიდობის, უსაფრთხოების და სტაბილურობის საქმეში ინვესტიციის სახით. ძალიან მნიშვნელოვანია, რომ ეს რეგიონები ევროპული ოჯახის სრულუფლებიანი წევრები გახდნენ“, - აღნიშნულია განცხადებაში.

დოკუმენტს ევროპის საბჭოს თავმჯდომარის, შარლ მიშელის და ევროკომისიის პრეზიდენტის, ურსულა ფონ დერ ლაიენის თანდასწრებით ხელს სერბეთის, მოლდოვის, უკრაინის, მონტენეგროს პრეზიდენტები, საბერძნეთის, რუმინეთის, კოსოვოს პრემიერ-მინისტრები, ბოსნია-ჰერცეგოვინას, ჩრდილოეთ მაკედონიის, ბულგარეთის, ხორვატიის წარმომადგენლები აწერენ.