ანჯეი დუდა - რუსეთი ბელარუსში ბირთვულ იარაღს უკვე განალაგებს - ეს უსაფრთხოების არქიტექტურას ცვლის ჩვენთანაც და ნატო-ს აღმოსავლეთ ფლანგზეც
პოლონეთის პრეზიდენტის ანჯეი დუდას განცხადებით, რუსეთი ბელარუსში ბირთვულ იარაღს უკვე განალაგებს.
ამის შესახებ მან პორტუგალიის პრეზიდენტ მარსელო რებელუ დე სოუზასთან გამართულ პრესკონფერენციაზე განაცხადა.
დუდას თქმით, მან პორტუგალიელ კოლეგას მიაწოდა ინფორმაცია „ვლადიმირ პუტინის განცხადებების რეალიზების შესახებ იმის თაობაზე, რომ რუსეთის ტაქტიკური ბირთვული შეიარაღება ბელარუსის ტერიტორიაზე განლაგდება“.
„ნამდვილად, ეს პროცესი მიმდინარეობს, ჩვენ ამას ვხედავთ… ეს უსაფრთხოების არქიტექტურას ცვლის უშუალოდ ჩვენთან, მაგრამ ერთდროულად ნატო-ს აღმოსავლეთ ფლანგზეც. ასე რომ, ეს ფაქტობრივად მთელი ალიანსისთვის ცვლის სიტუაციას“, - განაცხადა დუდამ.
დე სოუზამ, თავის მხრივ, აღნიშნა, რომ „გაგებით მოეკიდა პოლონეთის შეშფოთებას“ და პორტუგალიის სახელით პოლონეთს ნატო-ს ფარგლებში შემდგომ მხარდაჭერას დაჰპირდა.
