უკრაინაში ორდღიანი ვიზიტით პორტუგალიის პრეზიდენტი, მარსელო რებელუ და სოუზა ჩავიდა. ორი ქვეყნის ურთიერთობების ისტორიაში ეს პორტუგალიის პრეზიდენტის პირველი ვიზიტია. ინფორმაციას CNN Portugal-ი ავრცელებს.

„პრეზიდენტი კიევში რკინიგზით ჩავიდა. მის დელეგაციაში ქვეყნის საგარეო საქმეთა მინისტრი და სხვა თანამდებობების პირები შედიან. მიზანი - მრავალმხრივია. პირველ რიგში, უკრაინასთან სოლიდარობა ყველა სფეროში", – ნათქვამია განცხადებაში.

პორტუგალიის პრეზიდენტის თქმით, რაც ამჟამად ფუნდამენტური არის უკრაინის ცხოვრებაში, ისევე ფუნდამენტურია მისი ქვეყნის ცხოვრებაშიც.

„უკრაინის დამოუკიდებლობის 32-ე წლისთავის აღნიშვნა ძალიან მნიშვნელოვანია, რადგან ეს წელი უკრაინისთვის განსაკუთრებულია იმიტომ, რომ გრძელდება კონტრშეტევა, რომელიც მისი სუვერენიტეტის დასტურია", - განაცხადა მან.

პორტუგალიის პრეზიდენტი უკვე იმყოფებოდა ბუჩაში, სადაც დაღუპულების ხსოვნას პატივი მიაგო.