თბილისში უკრაინის დამოუკიდებლობის დღისადმი მიძღვნილი მსვლელობა გაიმართა. მსვლელობაში საქართველოსა და უკრაინის მოქალაქეები მონაწილეობდნენ.

აქციის ორგანიზატორები სიმბოლურად უკრაინელი პოეტის, ტარას შევჩენკოს ძეგლთან შეიკრიბნენ, საიდანაც მსვლელობით საკანონმდებლო ორგანოსკენ გაემართნენ.

„მე ვარ აქ მეგობრებთან ერთად. დღეს დიდი დღეა ყველა უკრაინელისთვის, აღვნიშნავთ თავისუფლებას და ერთად ყოფნას და მხარს ვუჭერთ ჩვენს დებსა და ძმებს მშობლიურ მიწაზე“, - განაცხადა აქციის ერთ-ერთმა მონაწილემ.

უკრაინის დამოუკიდებლობის დღისადმი მიძღვნილი სოლიდარობის აქცია ბათუმსა და ქუთაისშიც გაიმართა.