სოფო ჯაფარიძე და კახა ასკურავა, მიხეილ სააკაშვილის სახელით გურიაში მოსახლეობას შეხვდნენ
მიხეილ სააკაშვილის წარმომადგენელი სოფო ჯაფარიძე აგრძელებს შეხვედრებს რეგიონებში მოსახლეობასთან.
„ნაციონალური მოძრაობის“ ინფორმაციით, მორიგი შეხვედრა დღეს ლანჩხუთში და სუფსაში გამართა. მცხოვრებლებმა სოფო ჯაფარიძეს მიხეილ სააკაშვილთან წერილები გაატანეს.
პარტიის ინფორმაციით, მსგავს შეხვედრებს ჯაფარიძე სხვა რეგიონებშიც გეგმავს.
„ჩამოვედი გურიაში, ვხვდები მოსახლეობას. ჩემთვის ძალიან მნიშვნელოვანია ამ ადამიანებთან კომუნიკაცია. მიხეილ სააკაშვილისთვის არის ძალიან მნიშვნელოვანი თითოეული მათგანის აზრის, პრობლემის მოსმენა და ძალიან ბევრმა მომცა წერილი. ძალიან გახარებული ვარ იმ განწყობით, რა განწყობაც მათ აქვთ. დიახ, საქართველო ემზადება ძალიან დიდი გამარჯვებისთვის, ძალიან ბევრი ადამიანის მხრიდან არის ამისი მზაობა. ჩვენ დიდი ნახტომით მივალთ დიდ გამარჯვებამდე და ცვლილებებამდე. ერთხელ მან უკვე შეძლო ეს, ჭაობიდან ამოიყვანა ქვეყანა. მან არაფრიდან შექმნა სახელმწიფო, სახელმწიფო ინსტიტუტები და ახლაც ასე იქნება. ჩვენ ძალიან მალე მიხეილ სააკაშვილთან ერთად ისევ შევძლებთ, რომ ქვეყანა ისევ ქვეყანას დავამსგავსოთ და ამ ადამიანების თვალებში იყოს ის სინათლის სხივი, რაც იყო მანამდე. ეს ადამიანები ჰყვებიან, რომ მათი ოჯახებიდან უმეტესობა წასულია ემიგრაციაში, ფიზიკურად ვერაფერს აკეთებდნენ საქართველოში, უამრავი პრობლემა მოვისმინე, ამ პრობლემებზე რომ ვისაუბროთ რამდენიმე საათი დაგვჭირდება, მაგრამ ყველა მათი პრობლემა წერილობით შევა მიხეილ სააკაშვილთან. კიდევ ერთხელ განმეორდები, ჩვენ, ყველანი ერთად, თითოეულ მოქალაქესთან ერთად შევქმნით დიდ გამარჯვების ფორმულას”, - განაცხადა სოფო ჯაფარიძემ.
v-if="article.gallery" v-html="article.gallery"
