უკრაინის საგარეო საქმეთა მინისტრის, დმიტრო კულებას განცხადებით, ვიდრე უკრაინა არ გახდება ნატო-ს წევრი, ევროპა უსაფრთხო ადგილი ვერ იქნება.

აღნიშნული განცხადება დმიტრო კულებამ ჩეხეთში ამ ქვეყნის ელჩებთან შეხვედრის დროს გააკეთა.

უკრაინის საგარეო უწყების ხელმძღვანელმა ასევე მოუწოდა ჩეხ დიპლომატებს, გააქტიურონ ერთობლივი მუშაობა ნატოს ვაშინგტონის სამიტის წინ.

„ნატოს ვაშინგტონის სამიტის წინ ერთობლივი და უკომპრომისო მუშაობა გველის. ასევე ვთავაზობთ ჩეხეთს, სლოვაკეთს, ბალტიის ქვეყნებს, პოლონეთს, რუმინეთს, ბულგარეთს და მოლდოვას შეუდგნენ დიპლომატიური ძალისხმევის ფართო კოორდინირებას აფრიკაში", – განაცხადა კულებამ.