საფრანგეთის პრეზიდენტის ემანუელ მაკრონის განცხადებით, მიმდინარე კვირაში მოლაპარაკებებს გამართავს სომხეთისა და აზერბაიჯანის ლიდერებთან და გამოვა ახალი დიპლომატიური ინიციატივით მთიანი ყარაბაღის კონფლიქტის მოსაგვარებლად. ამის შესახებ მან დღეს საფრანგეთის ელჩების ყოველწლიურ კონფერენციაზე განაცხადა.

„ამ კვირაში მე საუბარი მექნება სომხეთის პრემიერ-მინისტრთან ნიკოლ ფაშინიანთან და აზერბაიჯანის პრეზიდენტთან ილჰამ ალიევთან. მოვითხოვთ ლაჩინის ჰუმანიტარული დერეფნის შესახებ (შეთანხმებების) სრულ დაცვას, ასევე ახალი დიპლომატიური ინიციატივის დაწყებას“, - განაცხადა საფრანგეთის პრეზიდენტმა.