რუსეთის იუსტიციის სამინისტრომ „ნოვაია გაზეტას“ მთავარი რედაქტორი უცხოური გავლენის აგენტად გამოაცხადა

რუსეთის იუსტიციის სამინისტრომ ნობელის პრემიის ლაურეატი დმიტრი მურატოვი უცხოური გავლენის აგენტად გამოაცხადა.

ამის შესახებ ინფორმაციას „რადიო თავისუფლება” ავრცელებს.

პარასკევს რუსეთის იუსტიციის სამინისტრომ „ნოვაია გაზეტას” მთავარი რედაქტორი და 2021 წლის ნობელის მშვიდობის პრემიის ლაურეატი დმიტრი მურატოვი უცხოური გავლენის აგენტების სიაში შეიყვანა.

სამინისტროს მტკიცებით, მურატოვი უცხოური აგენტების მასალების შექმნასა და გავრცელებაში მონაწილეობდა და „უცხოურ პლატფორმებს იყენებდა” აზრების გამოსახატად, რომლებიც რუსული პოლიტიკის მიმართ უარყოფითი დამოკიდებულების ფორმირებისკენ იყო მიმართული.