სუდანის დედაქალაქ ხართუმში შაბათ-კვირას განხორციელებულ თავდასხმებს 25 მშვიდობიანი მოქალაქე ემსხვერპლა, - ინფორმაციას The Guardian-ი ავრცელებს.

შაბათს, ქალაქის სამხრეთ ნაწილში საჰაერო თავდასხმის შედეგად მინიმუმ 20 ადამიანი დაიღუპა, კვირას კი დაბომბვას 5 ადამიანი ემსხვერპლა.

სუდანში რეგულარულ არმიასა და გასამხედროებულ სწრაფი მხარდაჭერის ძალებს (RSF) შორის შეიარაღებული დაპირისპირება 15 აპრილს დაიწყო და დღემდეგ გრძელდება. პროექტ "შეიარაღებული კონფლიქტის ადგილმდებარეობისა და მოვლენის მონაცემების" თანახმად, შეიარაღებულ კონფლიქტს, დაახლოებით, 5 000 ადამიანი ემსხვერპლა.