„ლელოს“ წევრები პარლამენტში კულტურის სფეროს ექსპერტებს და ხელოვანებს ხვდებიან
საპარლამენტო პოლიტიკური ჯგუფის, „ლელო - პარტნიორობა საქართველოსთვის“ წევრები პარლამენტში კულტურის სფეროს ექსპერტებს და ხელოვანებს ხვდებიან.
„ლელოს“ ინფორმაციით, შეხვედრის მიზანია ხელოვნების სფეროს წარმომადგენლების, იურისტების და დეპუტატების ერთობლივი ძალისხმევით და თანამშრომლობით განისაზღვროს და მომზადდეს წინადადებები კულტურის სფეროში განსახორციელებელ ცვლილებებთან (მათ შორის საკანონმდებლო ინიციატივები) დაკავშირებით, რომლებიც უზრუნველყოფს კულტურის სფეროს თავისუფლებას, დემოკრატიულ განვითარებას, საქართველოს კონსტიტუციით განსაზღვრული ღირებულებების დაცვას და ევროკავშირთან ასოცირების ხელშეკრულებით ნაკისრი ვალდებულებების შესრულებას.
შეხვედრაზე განხილული იქნება სამომავლო სამოქმედო გეგმა და კულტურის სფეროს ფართო წარმომადგენლობის ჩართულობის უზრუნველყოფის საკითხები.
