სოჭში ვლადიმერ პუტინისა და რეჯეფ თაიფ ერდოღანის შეხვედრა მიმდინარეობს

სოჭში რუსეთისა და თურქეთის პრეზიდენტების, ვლადიმერ პუტინისა და რეჯეფ თაიფ ერდოღანის შეხვედრა დაიწყო.

„არის სასაუბრო თემები რეგიონში უსაფრთხოების უზრუნველყოფის კუთხით. რა თქმა უნდა, უყურადღებოდ არ დავტოვებთ უკრაინის კრიზისთან დაკავშირებულ საკითხებს. ვაპირებთ მარცვლეულის შეთანხმების საკითხის დაყენებასაც. მზად ვართ მოლაპარაკებებისთვის“, - განაცხადა რუსეთის ლიდერმა შეხვედრის დაწყებისას.

თავის მხრივ, ერდოღანმა აღნიშნა, რომ მარცვლეულის შეთანხმების საკითხი მნიშვნელოვანია და დღევანდელი მოლაპარაკებების შედეგებს მთელი მსოფლიო ელოდება.