კავკასიის საერთაშორისო უნივერსიტეტის (CIU) მევენახეობა-მეღვინეობის ფაკულტეტის ლექტორმა და მეცნიერ-თანამშრომელმა, შენგელი კიკილაშვილმა შოთა რუსთაველის ეროვნული სამეცნიერო ფონდის კონკურსში გაიმარჯვა და უმაღლესი ქულებით დაიმსახურა პრემია - აგრარულ მეცნიერებაში განსაკუთრებული მიღწევებისთვის (2023).

აღნიშნულის შესახებ ინფორმაციას კავკასიის საერთაშორისო უნივერსიტეტი ავრცელებს.

მათივე ცნობით, კონკურსის ფარგლებში, დარეგისტრირდა და შეფასების ეტაპზე გადავიდა 33 საკონკურსო განაცხადი. გამოვლინდა 7 გამარჯვებული სხვადასხვა კატეგორიაში, მათ შორის აგრარულ მეცნიერებებში.

„კონკურსის მიზანს წარმოადგენდა ახალგაზრდა მეცნიერთა წახალისება წარმატებული და გამორჩეული სამეცნიერო მოღვაწეობის, აკადემიური კომპეტენციების ფარგლებში დარგის განვითარებისა და საზოგადოებრივი საქმიანობისთვის“, - აღნიშნულია გავრცელებულ ინფორმაციაში.