ე. წ. ლუგანსკის სახალხო რესპუბლიკაში „საბაჟოს ხელმძღვანელი“ საკუთარ სახლში ააფეთქეს

ე. წ. ლუგანსკის სახალხო რესპუბლიკაში „საბაჟოს ხელმძღვანელი“ საკუთარ სახლში ააფეთქეს. სააგენტო Ukrinform-ის ცნობით, აღნიშნული ინფორმაცია უკრაინის უსაფრთხოების სამსახურმა უკვე დაადასტურა.

„აფანასიევსკის თავისა და მუცლის არეში მრავალობითი დაზიანება აღენიშნება, ის მძიმე მდგომარეობაში რეანიმაციაში არის გადაყვანილი“, – ნათქვამია გავრცელებულ ინფორმაციაში.

სამსახურში ასევე აღნიშნეს, რომ იური აფანასიევსკი გენერალ-მაიორი და რუსეთის ფედერალური უსაფრთხოების სამსახურის ცენტრალური აპარატის აგენტია და ცნობილია იმით, რომ ე. წ. ლუგანსკის სახალხო რესპუბლიკის თავმჯდომარის, ლეონიდ პასეჩნიკის „ფინანსისტი“ გახდა.