უკრაინის უმაღლესმა რადამ თავდაცვის მინისტრის პოსტიდან ოლექსი რეზნიკოვის გათავისუფლებას მხარი დაუჭირა. უკრაინული მედიის ინფორმაციით, შესაბამის დადგენილებას მხარი 327 დეპუტატმა დაუჭირა.

შეგახსენებთ, რომ 3 სექტემბერს უკრაინის პრეზიდენტმა, ვოლოდიმირ ზელენსკიმ დაადასტურა, რომ თავდაცვის მინისტრის პოსტიდან ოლექსი რეზნიკოვის გათავისუფლების გადაწყვეტილება მიიღო. მისი თქმით, რეზნიკოვის შემცვლელი სახელმწიფო ქონების ფონდის ხელმძღვანელი რუსტემ უმეროვი გახდება.