ჯაბა სამუშიამ ჩინეთის საგარეო ურთიერთობების უნივერსიტეტის დელეგაციას უმასპინძლა

ივანე ჯავახიშვილის სახელობის თბილისის სახელმწიფო უნივერსიტეტის რექტორმა, აკადემიკოსმა ჯაბა სამუშიამ ჩინეთის საგარეო ურთიერთობების უნივერსიტეტის ვიცე-პრეზიდენტს სუნ ძიშენგს, აზიური კვლევების ინსტიტუტის დირექტორს გუო იანძუნის, საერთაშორისო ურთიერთობების ინსტიტუტის და ჩინეთის საელჩოს წარმომადგენლებს უმასპინძლა.

თბილისის სახელმწიფო უნივერსიტეტის ინფორმაციით, შეხვედრაზე თბილისის სახელმწიფო უნივერსიტეტსა და ჩინეთის საგარეო ურთიერთობების უნივერსიტეტს შორის სამომავლო თანამშრომლობის საკითხები განიხილეს.

თსუ-ის რექტორმა სტუმრებს უნივერსიტეტის ისტორია გააცნო, ასევე, ისაუბრა იმ შესაძლებლობებზე, რომელსაც თბილისის სახელმწიფო უნივერსიტეტი სთავაზობს როგორც ქართველ, ისე უცხოელ სტუდენტებს.

„ჩვენც ძალიან დიდი ინტერესი გვაქვს, რომ ის ურთიერთობები, რომელიც ძალიან დიდი ხნის წინ დაიწყო ჩვენ ქვეყნებს შორის, კიდევ უფრო გაღრმავდეს. ჩვენი უნივერსიტეტი ხელს უწყობს სინოლოგიის მიმართულების განვითარებას. ჩვენ ვზრდით თაობას, რომელიც დაინტერესებულია ჩინეთის ისტორიის, კულტურისა და ენის შესწავლით. გვსურს, რომ კიდევ უფრო გაღრმავდეს თანამშრომლობა აკადემიური თვალსაზრისით“, - განაცხადა ჯაბა სამუშიამ.

თსუ-ის ინფორმაციით, რექტორმა გამოთქვა მზადყოფნა, თბილისის სახელმწიფო უნივერსიტეტსა და ჩინეთის საგარეო ურთიერთობების უნივერსიტეტს შორის გაფორმდეს მემორანდუმი, რომელიც ხელს შეუწყობს ერთობლივი სამეცნიერო, საგანმანათლებლო და გაცვლითი პროგრამების განხორციელებას. ჯაბა სამუშიამ ასევე ისაუბრა საქართველოს პრემიერ-მინისტრის ირაკლი ღარიბაშვილის ჩინეთში ვიზიტზე, რომლის ფარგლებშიც საქართველოს განათლებისა და მეცნიერების მინისტრმა გიორგი ამილახვარმა ჩინეთთან განათლების მიმართულებით თანამშრომლობის გაღრმავების მემორანდუმს მოაწერა ხელი.

ვიზიტის ფარგლებში, დელეგაციის წარმომადგენლები თსუ-ის სოციალურ და პოლიტიკურ მეცნიერებათა ფაკულტეტის დეკანს სალომე დუნდუას და საერთაშორისო ურთიერთობების მიმართულების ხელმძღვანელს ფიქრია ასანიშვილს შეხვდნენ. ჩინეთის საგარეო ურთიერთობების უნივერსიტეტის ვიცე-პრეზიდენტმა სუნ ძიშენგმა და დელეგაციის სხვა წარმომადგენლებმა უნივერსიტეტებს შორის სამომავლო პარტნიორობის გაღრმავებაზე, საერთაშორისო ურთიერთობების და პოლიტიკის მეცნიერებების მიმართულებით ერთობლივი სამეცნიერო და საგანმანათლებლო პროექტების დაგეგმვასა და განხორციელებაზე ისაუბრეს.

„ჩვენი მისიაა, თანამშრომლობა გაღრმავდეს არა მხოლოდ სტუდენტებისთვის, ასევე პროფესორებისთვის და მკვლევრებისთვის, რომლებიც გაცვლითი პროგრამების საშუალებით შეძლებენ გაეცნონ კოლეგების საქმიანობას“, - განაცხადა ჩინეთის საგარეო ურთიერთობების უნივერსიტეტის ვიცე პრეზიდენტმა სუნ ძიშენგმა.

არეგ კოჩინიანი - „ზანგეზურის კორიდორის“ საკითხში მოსკოვის პოზიცია აღმოჩნდა საკვანძო, რის გამოც არა მარტო გართულდა სომხეთ-რუსეთის ურთიერთობები, არამედ სომხეთმა თავის საგარეო პოლიტიკაში სერიოზული კორექტივები შეიტანა
ქართული პრესის მიმოხილვა 11.04.2024
მირიან მირიანაშვილი - ივანიშვილი რუსეთის დაშოშმინებას ცდილობს, კანონის მიღება ხელს არ შეუშლის საქართველოს ევროპისკენ სვლას, რადგან დასავლეთის ინტერესშია საქართველოს ევროკავშირის წევრობა
ცოდნა და გამოცდილება, რომელსაც საქართველო მსოფლიოს უზიარებს - რას საქმიანობს გიორგი ელიავას სახელობის ბაქტერიოფაგიის ინსტიტუტი დღეს?
გაიცანით კომპანია, რომელიც პროექტის „კოდინგის სკოლა 1500 ქალისთვის“ ბენეფიციარებისთვის დასაქმების შესაძლებლობებს ქმნის
ციფრული მარკეტინგი - მომავლის პროფესია
ალტე უნივერსიტეტის მიერ ორგანიზებული გლობალური ჰაკათონი - „Teens in AI 2024“ დასრულდა
მსოფლიო ბესტსელერი ფრანგული ბრენდები ფარმსახლის სააფთიაქო ქსელშია
„SOCAR Team“ ტურნირი „პეტრას განძის“ გამარჯვებული გახდა
იგრძენი გაზაფხული – იცხოვრეთ ალერგიის გარეშე